料理呈現方式能夠影響大腦對食物所產生嘅美味感，餐具成為餐桌上不可或缺嘅一員！日本餐桌文化中，存在著「屬人器」一詞，意指每位家庭成員擁有專屬碗筷，主要因為大人、小孩、男性、女性所適合嘅尺寸各有不同，因此選購餐具時，日本人不止考量其外觀，還要考慮其手感、口感、大小及重量等！
目錄
陶器vs瓷器vs漆器
日本食器種類繁多，主要有陶器、瓷器、漆器，前兩者由陶土或瓷土燒製而成，而漆器嘅素材為木材，無論外貌、受熱及保溫程度，以至用途都大有不同，大家又識唔識分呢？
陶器：表面凹凸不平 可直火加熱
代表性產地：信樂燒、益子燒、萩燒
▲日本製萩燒碟五個一套。以白釉自然燒成的梅花皮紋。
整體器具顏色為土色，不易透光，表面保留土壤嘅觸感，能摸到凹凸不平嘅地方，亦有無數個肉眼睇唔到嘅孔隙，被稱為「會呼吸嘅容器」。陶器於高溫下不易損壞或變形，能直接用火加熱；陶器比起瓷器較軟且吸水，但若被硬物碰撞嘅話，易於出現缺口。
瓷器：表面光滑如玻璃 強度勝過陶器
代表性產地：有田燒、九谷燒、伊萬里燒
▲日本製有田燒碟盤。由柳原照弘先生以花為概念設計。
以瓷土高溫燒製而成，器具表面白皙光滑如玻璃，厚度較陶器薄，能微微透光，敲起來會有如金屬般嘅聲音。其保溫功能較弱，密度較高且不具吸水力，材質強度勝過陶器，唔會因碰撞而輕易產生缺口。
漆器：輕巧不易傳熱 喜慶送禮之選
代表性產地：越前漆器、輪島塗、山中漆器、紀州漆器
▲日本製越前漆器朱金‧黑銀對碗。由職人親手塗製。
漆器係一種於木材上塗抹一層層「漆」後製成嘅工藝品，擁有獨特嘅美麗光澤，自古以來就成為喜慶送禮禮物或是作為日常食器使用。漆器未經過窯內燒製，輕巧不易傳熱，即使倒入熱湯都能直接拎住飲用唔「辣」手；但因為重複塗上漆，為了防出現變色或剝落等情況，漆器不能放入洗碗機或微波爐，以及不能置於陽光直射嘅地方。
餐具入手推介
Cooking Bowl直火調理鍋
系列共有三色，線條簡單大方，質地厚實穩重不透光，導熱均勻，保溫性高，無論焗爐、微波爐以至直火都能對應，既係日常使用嘅煮食用具，亦是器皿適合放於餐桌上，最啱煮公仔麵、西餐或日式料理，懶人必用！
花三島土鍋
與日本餐桌完美結合嘅土鍋，係冬天必備嘅鍋物料理工具，無論煮飯、煲湯定係打邊爐都一樣得！它保溫性能比不銹鋼鍋更高，能緩慢均勻地傳熱至食材，完美鎖住食材本來嘅鮮味！呢款花三島土鍋，活用粗土質感呈現出樸素風格，鍋邊及蓋面刻有優雅嘅花紋，顯得更有味道。尺寸夠大，4-5人打邊爐都無問題！
Clasico美濃燒Classic Tableware Set
美濃燒指於岐阜縣東部嘅多治見、土岐等城市製造嘅陶瓷，擁有1,300多年歷史，產量居全國之冠。這套Clasico系列嘅瓷器套裝，有齊碟、碗同杯三款重要餐具，北歐花紋圖案配民間手繪味道，工藝色調濃淡有層次，純樸中帶復古感，給人沉穩嘅感覺！
金陶苑粉引鎬大碗
近年，粉引陶瓷器非常受歡迎，佢唔係純淨潔白，而係帶點鐵質與泥土顆粒嘅自然暖白。呢款粉引鎬大碗，白粉引下稍微透出其原色，鎬紋線條捧於手裡頗有質感，碗內底部設計成圓弧形，容量大，亦方便清洗，最適合用嚟做日式丼飯。
漆器久太郎Kyutarou BLUE系列
越前漆器嘅產地為福井縣手工業城市鯖江市，具有1500多年歷史，以柔和光澤同華麗設計而聞名。推介創業自大正12年嘅漆器久太郎，其Kyutarou BLUE系列以藍色作主調，選用天然木，刻意在木材上塗抹半透明嘅漆，既有搶眼嘅藍色，亦可睇到最原本嘅木紋，每件出品都各有不同！
保養餐具三大要點
入手靚靚餐具，當然要好好保養！最後講幾個令餐具永保常新嘅方法，延長其使用壽命吧！
要點1：做好密封
使用陶器前先做好「目止め（密封）」，用洗米水填補陶器上凹凸不平嘅地方，防止污漬及裂縫嘅產生。
- 將陶器放進大鍋裡，沈浸於洗米水中，以細火加熱，煮約15至20分鐘。
- 煮滾後，將陶器置於鍋中自然冷卻。
- 冷卻後，水洗晾乾後就完成。
選用柔軟海綿
清洗陶器時，請使用柔軟嘅海綿沾上洗潔劑清洗，再用水將洗潔劑沖洗乾淨。如使用較硬嘅海綿或是含有研磨劑成分嘅洗潔劑，會刮傷陶器表面，更容易殘留污漬。
檸檬水去除異味
如陶器有異味，可用檸檬水去除。將陶器放進檸檬水以慢火煮沸，重複此動作2至3次，讓檸檬嘅酸消除附在器皿上嘅異味。
日本製MIJ餐具推介- ZenPlus
日本人對餐具有份執著，除了作為料理擺盤之用，更有用餐具裝飾居家空間嘅樂趣！如果你都想學日本人一樣，從生活小細節入手打造生活品味，即睇ZenPlus有咩好推介吧！
....................................................
延伸閱讀
＞＞食厭一蘭？！日本直送地道拉麵 用舌尖制霸全日本！
＞＞網購日本直送清酒平過街買一大截？ 最緊要揀啱網站！
....................................................
喜歡此文章嗎？分享至：
....................................................
相關話題
