相信唔少港人會以制霸日本拉麵為終極目標，但如今無法「返家鄉」，即使他日開關後，旅客隨即蜂湧而至，想嘆一碗人氣店拉麵，睇怕都要排到天昏地暗。既然如此，拉麵迷何不率先係屋企爽嘆日本優質正宗拉麵呢？ZenPlus齊集不同風味嘅日本直送盒裝拉麵， 唔想食嚟食去都係一蘭、一風堂或座銀等大路味道，又唔想退而求其次食中國製造山寨貨色，不妨線上網購、線下在家制霸各款日本直送正宗拉麵！
日本3大拉麵+最常見5大湯底推介
日本拉麵種類眾多，不同地區所烹調嘅拉麵各具特色，當中福岡博多豚骨拉麵、北海道札幌味增拉麵、福島喜多方醬油拉麵被稱為「日本三大拉麵」，從湯頭、麵條、醬料到配料都有自成一套規則，猶如獨門秘方一樣，烹調出不同流派嘅拉麵。今次就逐一講講日本最常見嘅五大湯底及推介盒裝拉麵，讓大家有得睇又有得食！
醬油拉麵
講求醬油與湯頭調配，精準比例係美味嘅關鍵！福島人氣老舖「大湊味平」（大みなと味平）嘅喜多方醬油拉麵，湯頭以雞骨、豬骨等熬成，加入秘製醬油調味，能大幅提升食物嘅鮮味，屬清爽系拉麵。選用被稱為「平打熟成多加水麵」嘅扁平捲曲粗麵條，麵糰經充分熟成，含水量高，麵質Q彈，口感有層次又能掛湯，清淡中卻見餘韻。
喜多方拉麵 - 大湊味平 醬油拉麵
另一款值得一試嘅醬油拉麵，來自擁有70多年歷史嘅青葉拉麵，目前由第二及三代經營，即使無旅客嘅日子，平日中午仍是座無虛席，人氣非常！其醬油拉麵以雞骨、豬骨、昆布、小魚乾、野菜等熬成湯頭，呈清澈茶色，帶海鮮甘甜，馥郁細緻，配上捲曲幼麵，被當地人譽為最強醬油拉麵。
旭川拉麵 - 青葉 醬油拉麵
味噌拉麵
味噌拉麵發源自北海道札幌，自1968年味噌味即食麵「札幌一番」（サッポロ一番）面世後，才逐漸紅遍日本各地。札幌超有名店「吉山商店」，2006年札幌開業以來，一直擴大版圖，現全國有6間分店，曾被日本美食網站Tabelog選為最佳拉麵店，相當威水；店子以一道味噌拉麵吸引一眾拉麵迷報到，湯底以兩種味噌、焙煎芝麻，以及豬骨湯底調配而成，呷一口，滿口芝麻香味，濃郁飽滿卻不油膩，重口味者必試！
札幌焙煎芝麻味噌 - 吉山商店 味噌拉麵
豚骨拉麵
豚骨拉麵源自九州久留米，再由福岡博多發揚光大，成為日本三大拉麵：福岡博多豚骨拉麵。博多拉麵「阿秀」（秀ちゃん）豚骨拉麵，大大隻字寫明「1.7倍濃厚最強豬骨」 ，湯底入喉醇厚油香，甘美鮮甜到一喝而盡，細直生麵條有咬口兼有小麥香，膠質夠重，吃罷膠質滿滿夠黏嘴！
博多豚骨拉麵 - 阿秀
鹽味拉麵
簡單以鹽味調味提鮮，更講求湯底嘅味道與水準。函館拉麵「一文字」主打鹽味拉麵，湯底用原隻雞、北海道南茅部產昆布熬煮而成，湯頭清澈輕巧，清甜鮮美，水準極高，帶住令人再三回味嘅後韻，適合淡口味者。
函館鹽味拉麵 - 一文字
醬油豚骨拉麵
相比清爽系嘅醬油拉麵，醬油豚骨拉麵以豚骨湯底為基調，結合特製醬油調味，渾濁型湯底，最適合喜歡濃郁口味嘅拉麵迷。呢款拉麵12食套裝，結集全日本4間人氣拉麵店嘅醬油豚骨拉麵，包括橫浜「吉村家」、博多「達磨」（だるま）、廣島「陽氣」（陽気）、千葉「富田」（とみ田），最好約埋四個人一齊Battle一下！
盒裝半生麵+濃縮湯底 神還原在地風味
講完一輪，可能你會覺得「坊間好多日本杯麵，點解我要開火煮？」其實大多數杯麵嘅麵條、配料、味粉均經過乾燥處理，往往都無法呈現最本來嘅質感與味道；相反呢種盒裝拉麵，附有日本拉麵店製作嘅半生拉麵及原汁湯底醬料，只要簡單加水烹調，便能九成還原在日風味，即使屋企定Office都食到原汁原味嘅日本拉麵！
零失敗！盒裝拉麵點樣煮？
盒裝拉麵做法簡單，絕對係零烹调技巧！大家只要按照以下做法，甚至依照個人口味，加入材料如叉燒、香蔥、筍乾、炒蔬菜等，即可在家企制霸各種湯底拉麵！
- 水倒入鍋中，煮滾後加入生麵
- 按包裝盒指示調煮所需時間，攪拌均勻後熄火（如果喜歡偏硬口感，可自行減30秒）
- 原汁湯底醬料倒入碗中，加入滾水
- 麵煮好，放入湯底之中即成！
拉麵最強 - ZenPlus
去唔到日本食拉麵，想食碗好味嘅拉麵除咗食返大丸、一幻、泓一呢類香港舖，或者買中國製造嘅味千或者拉麵說頂住先之外，而家有新選擇 - ZenPlus﹗除咗上面介紹嘅款之外，你仲可以喺度搵到其他唔同嘅日本製正宗地道拉麵，返屋企 Work From Home時慢慢嘆﹗
....................................................
延伸閱讀
＞＞網購日本直送清酒平過街買一大截？ 最緊要揀啱網站！
＞＞和食中餐具搭配比食味更重要？細說陶器/瓷器/漆器大不同！
....................................................
喜歡此文章嗎？分享至：
....................................................
相關話題
