ZenPlus

網購廚刀應點入手?三大刀具產地+日本直送5大廚刀推薦!

Created 09/21/2022 17:22:07 in 烹飪 | 廚房 |

日本廚刀出名鋒利,品質優良,只要好好保養,能夠使用一段長時間,別說從事飲食行業人士,就連一般家庭旅客遊日時,都會特意精挑一兩把返屋企鎮守廚房!

如今難以親身赴日揀靚刀,網購高質日式廚刀都係一個不錯嘅選擇,大家只要參考這個日本廚刀購買攻略,了解日本廚刀種類、日本3大刀具產地、以及日本廚刀推薦等,就能於云云品牌之中揀到心儀靚刀,順利地在港網購日本直送廚刀了!

 

如何選購日本廚刀?先從用途入手

日本廚刀種類繁多,可依食材及用途分類,當中處理肉類有牛刀、將筋肉分離嘅筋引刀、刀身細長嘅水果刀,當然唔少得初學者必選、用途最廣泛嘅三德刀;而每款刀具都會有分單刃或雙刃、材質及製法等,因此要揀刀,首先要從用途入手!

三德刀:用途廣泛萬能刀

堺市-翁流-大馬士革VG10三德刀180mm▲堺市出品 翁流 大馬士革鋼VG10 三德刀180mm

幾乎每個日本家庭都有一把三德刀。三德意指「三種用途」,可處理肉、魚、野菜等廣泛食材,結合咗中式廚刀及西式廚刀嘅優點,比西式廚刀短小、比中式廚刀輕巧兼刀面大,係一把萬用刀或料理初學者入門刀。唯一缺點係不能大刀剁骨頭。

牛刀:肉類處理必備

郷右馬允義弘-大馬士革-和牛刀210mm-抗菌手柄▲堺市出品 郷右馬允義弘作 大馬士革鋼 牛刀210mm,抗菌手柄

受到西式廚刀啟發而產生嘅日式廚刀,刀頭呈尖形,刀身細長,刀刃弧度小,能處理大部分廚房作業,如修切肉類筋膜、片魚取肉,以至處理各式各樣蔬菜水果,係一把多功能萬用刀。

筋引刀:輕易將筋肉分離

關市出品-源兼正-筋引刀240mm▲關市出品 源兼正 筋引刀240mm

刀身狹長,減少刀與肉接觸面積,能降低沾黏肉類、脂肪嘅機率,能輕鬆把筋從肉裡分離,係一把專門處理肉類嘅廚刀。

小刀:刀身輕巧 用於精細刀工

關市出品-大馬士革鋼-多用途小刀-140mm▲關市出品 竹本作 大馬士革鋼 多用途小刀 140mm

刀身細長輕巧,刀刃鋒利,適合用於去除蔬菜皮,或處理需要精細刀工嘅食材,甚至用於小型肉類去骨。

三大日本廚刀材質

選好用途後,便著眼於材質!不同材質嘅刀具,其鋒利度、耐久度,以及防鏽力都各不同,當中最常見嘅有不鏽鋼碳鋼以及陶瓷三大類。

不鏽鋼

日本廚刀常見材質,鉻含量超過14%,防鏽力強,刀身偏軟,即使斬到硬物都唔易缺損,但鋒利度不及碳鋼,當中最有名嘅不鏽鋼種類有「VG10鋼」,刀鋒比一般不鏽鋼鋒利,防鏽效果亦不錯。

碳鋼

碳鋼含碳量度,硬度高,刀鋒鋒利,切割力強,不易變純,但保養較為麻煩,易於生鏽,亦因為太硬脆,容易導致缺損。

陶瓷

硬度比不鏽鋼及碳鋼都高,不會生鏽、容易清洗,但比較脆,易斷裂,不能切硬物或受到外力撞擊。

日本三大刀具產地

揀好用途及材質後,最後可以考慮埋產地!日本有三大刀具產地,包括大阪府堺市、新潟縣三条市、岐阜縣關市,究竟不同產地製造嘅廚刀有咩特色同分別呢?

大阪府堺市

大阪府堺市

據說於5世紀古墳建造時期將鍛鐵技術傳至此地。堺打刃物以單刃刀具為主,刀鋒利且不易沾黏,比起雙刃刀具更易控制,更能精準地切出食材。堺打刃物以鋼製作而成,堅硬鋒利、不易磨損但易於研磨,但缺點為易於生鏽,保養上需要多花時間,因此近年出現不少以不同材質金屬製成嘅刀具。

新潟縣三条市

新潟縣三条市

新潟縣三条市以農業為主,江戶時代中期開始製造鐮刀與鋤頭等務農工具,其後開始製作廚刀等刀具,這裡出產嘅打刃物被稱為「越後三条打刃物」。其製作過程為加熱後以敲打方式塑形,敲打過程中令鋼材嘅密度更高,出品硬度高,具優良嘅抗磨損性。常選用高碳鋼(SK鋼)及安來鋼用來製作刀具。

岐阜縣關市

岐阜縣關市

位於岐阜縣南方嘅關市有刀刃之市之稱,除咗係日本三大刀具產地,亦係世界三大餐具生產地之一,與德國Solingen與英國Sheffield齊名。其刀具歷史始於鎌倉時代,至今已有800年歷史。這裡擁有優質天然資源如豐富碳礦、優質燒刃土、長良川與津保川嘅乾淨水質等,令關市成為銳器產地。鋼材大多選用合金材質,出名鋒利、不易磨損且堅固。

日本廚刀推薦

關孫六不鏽鋼三德刀

關孫六不鏽鋼三德刀

品牌「關孫六」係高知名度嘅日本製名刀,以鎌倉時代一位著名刀匠關孫六來命名,將鑄造高級刀劍嘅精神延伸到家用刀具上。這把不鏽鋼三德刀刀刃鋒利,刀面有凹痕設計,食材不易沾於刀刃上,加上無縫結構,易於清潔,不容易滋生細菌,手感好,符合人體工學,輕巧好用。

神田作 PC桂柄出刃 180mm

神田作 PC桂柄出刃 180mm

出刃屬單刃廚刀,用途在於切除魚頭與乾淨切片出魚肉,一般用來處理比目魚、鯛魚等魚身較薄嘅魚種。這款神田作 PC桂柄出刃,刀身較厚而寬短,刀鋒鋒利,能讓食材切口更為平滑;選用安来鋼,屬高碳鋼,硬度高,鋒利度高,但易於生鏽,用後記得徹底瀝乾。

竹本作 料理刀170mm

竹本作 料理刀170mm

產自岐阜縣關市,刀身比三德刀細長且尖銳,除了可精巧地切肉類,更能處理魚類、菜類甚至麵包,用途甚廣。刀刃為不鏽鋼、刀柄為天然木,刀身偏軟,易於研磨,加上170mm大小,易於收藏,用起來上輕巧方便。

堺孝行 VG10菜刀160mm

堺孝行 VG10菜刀160mm

菜切顧名思義係用嚟切蔬菜嘅廚刀,呈一直線嘅刀鋒設計,與砧板無逢接軌,有效避免「藕斷絲連」嘅情況。這款產自堺嘅菜切包丁,高級鋼VG10打造出33層堅固嘅結構,質地強韌、不易生鏽,具有優異嘅抗磨損性,極薄嘅刀身能有效提升切割感,避免食材在切割過程中被擠裂開,就連切洋蔥時都不會流眼淚。 刀身以漂亮嘅大馬士革紋路和鎚目處理為主要特色,配上優質木材手柄,猶如手工藝術品!

燕三条製三德刀165mm

燕三条製三德刀165mm

「燕三条」即新潟縣燕市及三条市嘅合稱。此三德刀在高碳含量不鏽鋼中添加鉬釩二種元素材,令刀鋒銳利之餘,亦具優良嘅抗鏽力及韌性。從刀片到手柄無縫一體成型嘅設計,易於清潔不易藏污垢,流線型手柄,更能輕鬆切割。

日本廚刀集合- ZenPlus

想買把好刀,洗咩親身飛到日本呢?ZenPlus結集一系列高質日式廚刀,既有日本三大刀具產地出品,亦有不同用途嘅刀款,不少更從生產商直接供貨,價錢合理,有質素保證,係時候為廚房增添新用品!

yoshihiro

產地:
大阪府堺市

去yoshihiro睇廚刀

kannaya

產地:
岐阜縣關市

去kannaya睇廚刀

viseo

推介:
燕人之匠、燕熟之技、關孫六

去viseo睇廚刀

kitchenavi

特徵:
聯乘青木刃物製作所出品的堺孝行閃黑色別注版

去kitchenavi睇廚刀

kokaji

產地:
大阪府堺市

去kokaji睇廚刀

alpha

推介:
藤次郎、旬

去alpha睇廚刀

 

....................................................

延伸閱讀

 >>食厭一蘭?!日本直送地道拉麵 用舌尖制霸全日本!
 >>和食中餐具搭配比食味更重要?細說陶器/瓷器/漆器大不同!

....................................................

喜歡此文章嗎?分享至:

Facebook Twitter MeWe WhatsApp Telegram Facebook Messenger LINE Share

 ....................................................

相關話題

 

09/21/2022
追蹤ZenPlus香港 

返回ZenPlus雜誌目錄