對於Salon專賣嘅髮型產品，大部分人認識都唔深，通常都係髮型師推薦，喺怕尷尬或相信對方嘅情況下買咗。雖然有時用完未必好有效，但其實咁樣並唔代表Salon專用髮型用品本身無用，只係好多時我哋對呢類髮廊專賣品的認知太少，無咩方向去選擇。今次我哋會同大家分享喺唔同情況、煩惱下選擇適合自己嘅頭髮護理產品，唔洗再咁被動等人救！
目錄
追求更高髮型完成度 / 長遠地護髮
無論喺邊個年齡層，我哋都想自己外表睇落乾淨、企理、整齊，俾到一個好印象其他人。我哋可能會用到髮泥或髮油等去做頭髮造型，然後用定型噴霧去固定，又或者用保濕啫喱去令頭髮睇落無咁乾等。對於有要求嘅用家，會考慮用完頭髮造型產品後硬度、自然度、定型效果、持久度等。另一方面，亦會有用家比較重視頭髮產品嘅成分，想盡量俾到有益嘅營養等頭髮頭皮吸收之餘，亦希望將對頭髮頭皮負擔減到最低，避免因長期直接接觸有害成分而影響日後健康。
▲003 Deuxer系列髮蠟，超多選擇等唔同風格嘅男士迎合到各種需要，啞色同令身都有。比其他牌子易洗之餘定型力又夠強，唔使犧牲任何一邊都可以輕易造型，連定型噴霧都唔使。日本潮男大推﹗
然而，無論係想追求更好效果還是長遠更好地保護頭髮，一般連鎖店嘅產品都未必滿足到你。原因係消費者品牌以最大市場，即係普羅大眾為目標顧客。佢哋嘅產品只會以解決基本問題為首，以及從中得到最大利潤。由於市場需求唔夠大，即使部分消費者想追求更高質嘅產品，一般大眾品牌都會基於投資風險考慮唔會投放太多資源去研發。呢個時候就要搵針對刁鑽頭髮問題而開發產品嘅Salon專用髮型用品製造商。佢哋有專門研究頭髮各種煩惱嘅研發團隊，產品經長期科學反覆驗證同測試，有能力就特別需要推出新技術產品同運用更呵護頭髮嘅高品質成分，以回應高難度需求。
解決個別頭髮煩惱
除咗追求高質之外，仲有好多時有一般頭髮護理用品解決唔到嘅問題。而家就細分每個頭髮問題，幫大家揀到啱用嘅產品！
頭髮乾枯／毛燥問題
電髮或者漂染嘅時候，我哋嘅頭髮可能會因為過熱，或者接觸到傷害髮質嘅化學藥水而受損，變到又乾又鞋恰恰。雖然大家都識得頭髮失去水分彈性就要補充養分嘅道理，但市面上隻隻產品都號稱自己深層補濕或者有獨家嘅突破成分，作為消費者真係好難係琳瑯滿目嘅產品中間揀隻有料到嘅。然後，當試咗好多隻都無乜用嘅時候，可能會索性去髮型屋交俾髮型師處理。
但事實就係，其實髮型師都唔識魔法，佢哋一樣係仗賴唔同嘅頭髮藥劑去處理一時嘅問題。與其係咁花錢，要做嘅或者並唔係迷信廣告或者不斷上髮廊，而係了解藥水本身或者業界生態，例如到底有邊隻係Salon界大廠有口碑，等自己可以拎返個主動權，好好照顧生係自己頭上嘅髮絲！
▲Milbon係髮廊品牌龍頭，第一次聽「髮廊專賣品牌」嘅人大部分都係識Milbon開始，受眾多髮型師一致推崇。而Jemile Fran系列Melty Butter免沖水護理，含微粉化透明質酸及CMADK角蛋白，有助鎖緊頭髮水分及補充因受損而流失的蛋白質。可以洗頭後、臨瞓前或者出門口前用都得，夠曬方便。
▲Shiseido Professional不嬲都係業界大佬，去Salon揀最高級Plan做Treatment幾乎必定等於使用佢嘅產品。而Sublimic全效再生水凝系列更加係針對髮絲修復嘅Line Up：強化脆弱且受損髮絲，提升彈力；為乾旱髮絲打造保濕屏障，鎖住水分。用呢隻做日常護理，唔使額外做其他步驟都可以輕鬆修復頭髮。
掉髮／斷髮
唔少香港人因為考試工作壓力大，或者產後嘅媽媽，都有掉髮、斷髮嘅煩惱。坊間有好多唔同嘅生髮、植髮療程，但全部都貴得黎又唔係包生仔。更何況我哋唔應該等到脫髮問題好嚴重嘅時候，先去揾解決方法。而係一開始有呢個問題嘅時候，就去為防脫髮做準備。比起出面見到嘅吹水廣告，追求實際效果嘅用家可以選擇有成個專業科研團隊背後支持，為脫髮問題研究同開發嘅髮廊專用品牌。
▲LebeL嘅Viege蔬菜精華系列係為脫髮女性開發，富含硫甜菜鹼酸及酸性石鹼，可以溫和洗淨頭皮多餘皮脂、金屬離子同頭嘅氣味，而且具抗老化及防脫髮作用，最啱有掉髮問題嘅媽媽。
敏感頭皮／頭皮屑
好多人可能都會有頭皮敏感，好容易甩頭皮。但又唔可以用普通嘅洗髮露，唔知點算好，尤其係呢啲有啲尷尬嘅問題，比較難開口。亦有時就算無敏感問題，而又已經好努力去洗頭，用號稱去頭皮用嘅洗頭水或者頭皮護理，但唔知點解到頭來都係成頭頭皮屑。其實可以試下用專業嘅髮廊洗護，由科學角度出發，解決頭皮屑積聚嘅問題。
▲napla旗下嘅NAPUR推出Sensitive系列，照顧敏感頭皮朋友嘅需要。除咗不含矽同用氨基酸做基底，仲添加櫻花同甘草根精華，唔怕洗完會發紅發癢。
▲napla Refresh系列專為敏感頭皮人士清潔頭皮污垢而設。無矽配方之餘，仲以薄荷葉等有機草本精華解決皮屑及汗水積聚嘅問題。更含納米白金及納米銀幫助抗菌。
另一方面，如果唔係汗脂過剩，咁就好可能係乾性頭皮所造成頭皮屑。平時面部護理我哋知道要保濕，但其實頭皮一樣需要㗎﹗為咗減輕頭皮乾燥情況，建議由洗頭水同頭皮護理兩方面入手。
▲LebeL嘅IAU修護舒緩洗髮水 (Relaxment Cleansing) 不含矽及起泡劑，並以氨基酸和硫代甜菜碱為洗淨成分，係洗頭同時為頭皮保濕，性價比極高。
▲資生堂The Professional旗下fuente forte系列頭皮層保濕Toner，換言之係頭皮用爽膚水。佢為頭皮建構屏障護理，舒緩痕癢、頭皮屑等問題，鎮靜頭皮。
漂染後褪色
凡事都有第一次，但唔係每個人第一次漂頭髮都知道染完嘅顏色可以快到幾日就無晒。經典例子就係想趁仲讀緊書可以咩都試而去髮型屋染個突出髮色後，先得知呢個咁殘酷嘅現實。染得心目中想要嘅顏色而不惜漂髮，當然無人想幾日就玩完或者要無限補染。另外，有時漂過頭後染返黑做乖仔乖女搵工見工，誰知到頭來又好快甩色，就算願意再染又要無限LOOP又傷頭髮頭皮，真係非常氣餒。唔通結論就係漂親頭髮都要等到原生頭髮慢慢生返出黎先可以重新做人？其實只要用專業護色鎖色洗髮水同護髮素，呢個問題就可以輕易解決。
▲napla嘅N.系列紅遍亞洲，而佢嘅鎖色洗護系列秘訣係以Tint Lock Polymer嚟阻止色素流失，仲備有唔同顏色選擇配合各類髮色需要。
▲Salon by Calatas係最新彈起嘅髮廊護色洗護。史上最齊色5色選擇，並以最低褪色度嘅洗劑做主洗淨成分keep住髮色，同時成分溫和，染髮後出現頭皮敏感都唔怕。
點分得出佢係髮廊專賣品定係一般消費者品牌？
講咗咁多產品特點，可能你會覺得「啲介紹講嘅都係同我喺廣告睇到嘅差唔多啫」。其實好多時點解買返嚟嘅髮型產品效果咁參差，就係因為知道消費者大部分都無乜專業知識。所以好多其他牌子深信只要滲雜一堆消費者聽唔明嘅詞彙，再加上投放大量廣告費用去吹捧，就可以魚目混珠。
作為消費者，雖然無相關專業知識，但我哋可以觀察行業生態去分析。真正專業髮廊產品，會將更多資源投放係開發同品質成效方面，做到實際成績先有機會同到各地髮廊商議合作，向佢哋提供產品。尤其係日本嘅髮廊，比較著重口碑呢樣嘢，所以重心都會集中提供優質產品同服務，慢慢建立髮型屋嘅聲譽。因此，留意一下日本當地Salon，心裡會比較有個底。
常見日本髮廊產品牌子
- Milbon
(查看更多Milbon相關產品)
無論日本本土定香港歐美都係髮型屋一致會推嘅牌子，全因佢係行業巨擘，有最強科研團隊支援。
- Shiseido Professional
(查看更多Shiseido Professional相關產品)
資生堂專業髮廊系列，每次去Salon想用好啲藥水嘅時候都必定聽過。財雄勢大，自然有較多資源開發更優質嘅產品。
- napla
(到azzurro店舖、japan-shampoo店舖或brian店舖查看更多napla相關產品)
橫行日本Salon界，去每一間美容室 (日本嘅髮廊) 都一定見到佢蹤影。
- LebeL
(查看更多LebeL相關產品)
日本勁多OL Fans，Tokyu Hands必見，全因佢有髮廊團隊底之餘又係較經濟選擇。
- Number three (003)
(查看更多Number Three 003相關產品)
對頭髮造型比較講究嘅用家，通常都會選擇Number three 003做最終歸宿﹗
- with LAY @ femme
(查看更多with LAY @ femme相關產品)
喺廣島十分出名嘅美容室 (Salon) femme踩過界推出with LAY髮型用品品牌！有曬貼地用家經驗而開發，產品構思同效果毋用置疑。
點選擇真正高質啱用嘅Salon專賣品？
綜合以上，我哋明白一枝好用嘅頭髮用品，同產品成分構造以至背後科研團隊有莫大關係。而要做到以上兩點，就要廠商有足夠龐大資源，並願意面對市場風險去推出產品。
眾所周知，重視外表嘅日本人唔整好個頭根本唔會出門口見人。所以日本市場需求比其他地方大，亦促使日本成為Salon專賣品嘅大國。自自然然，好多日本廠商肯投放更多資源落頭髮護理產業去改善產品，從而係競爭激烈嘅日本市場贏得更大市佔率。當去日本當地Salon或者髮型用品專賣店，想要更好品質嘅產品時，好多時都會見到當地人用呢啲品牌。
至於好多而家係香港市場大賣廣告嘅日本牌子，其實大部分係日本本國銷量都唔太大。比起面對大肆宣傳，日本國民因為習慣用呢類產品，通常會事先做好多Research比較，亦有更多更全面嘅消息渠道，去分辨邊啲廠商出嘅產品先係好嘢。
雖然亦有人因為對於歐美嘅Salon產品有認識而購買歐美大牌嚟用，不過亞洲人髮質與歐美地方嘅外國人始終唔同，其實未必適合。對於香港人嚟講，又要適合自己又要高品質，最好嘅選擇都係針對亞洲人髮質開發嘅日本Salon專賣頭髮用品。
....................................................
延伸閱讀
＞＞出cos無難度﹗ 日本Cosplay服、有色髮蠟幫您神還原角色
....................................................
喜歡此文章嗎？分享至：
....................................................
相關話題
